კატალონიის საფეხბურთო კლუბ ბარსელონას მთავარი სამიზნე ნეიმარი და ლაუტარო მარტინესი არიან, თუმცა ამ ყველაფრის მიუხედავად კლუბის ამჟამინდელ პრეზიდენტ ხოსეპ ბარტომეუს მტკიცებით პანდემიამ სატრანსფერო გეგმებში კორექტივები შეიტანა:

“ბოლო კვირების განმავლობაში ინტერს ლაუტაროს ტრანსფერის შესახებ ვესაუბრებოდით, თუმცა მოლაპარაკება ორმხრივი შეთანხმების საფუძველზე შევაჩერეთ. შექმნილი მდგომარეობა დიდი ტრანსფერების კეთების შესაძლებლობას არ გვაძლევს.

ვერც ნეიმარის შეძენა მოხერხდება. გასულ ზაფხულს დიდი მცდელობა გვქონდა, წელს კი არც კი ვეცდებით. მარტიდან ივნისამდე €200 მილიონი დავკარგეთ. თუ ხალხი სტადიონს, მუზეუმსა და მაღაზიებს არ დაუბრუნდა, კვლავაც ვიზარალებთ. ეს კი სატრანსფერო გეგმებს ცვლის.”

ბარტომეუს წუწუნის ფონზე ბარსელონამ 2019 წელს მილიარდიანი შემოსავალი დააფიქსირა. კლუბი აგრეთვე მეორე ყველაზე ძვირადღირებულ საკლუბო ბრენდად აღიარეს. ბარსა წლიურად ფეხბურთელთა ხელფასებზე €391 მილიონს ხარჯავს, რაც მსოფლიოში ყველაზე მაღალი მაჩვენებელია, ამის ფონზე კი შემადგენლობა ძალიან გადაბერებულია. 

კატალონიური გამოცემა Mundo Deportivo-ს ცნობით ბარსელონას ურუგვაელ შემტევს ლუის სუარესს კონკრეტული შეთავაზება აქვს. ბარსელონას 33 წლის თავდამსხმელის შეძენით ამერიკული ინტერ მაიამი არის დაინტერესებული. ეს კლუბი MLS-ის ნაწილი ახლახანს გახდა, მისი თანამფლობელი დევიდ ბექჰემია და ფლორიდელებთან მიმართებით უკვე არაერთი ვარსკვლავის გვარმა გაიჟღერა.

გამოცემის ცნობით, ფინანსური თვალსაზრისით შეთავაზება MLS-ის მასშტაბებით მძლავრია, თუმცა ევროპულ ბაზარს ჩამოუვარდება. ურუგვაელმა ადრე განაცხადა, რომ აშშ-ში კარიერის გაგრძელება ‘მშვენიერი შესაძლებლობაა.’ მას ბარსასთან კონტრაქტი მომავალ ზაფხულს ეწურება. კლუბის ბორდს არ აქვს გადაწყვეტილი, გაასხვისოს თუ არა ვეტერანი. რაც ვიცით, ხოსეპ ბარტომეუს სიტყვებია – ‘თუ სუარესი 2020/21 წლების სეზონში გარკვეული რაოდენობის შეხვედრებს ჩაატარებს, კონტრაქტი ერთი წლით ავტომატურად გახანგრძლივდება.’ საუბარია მატჩების 60%-ზე.

ბარსაში სუარესის შემცვლელად ლაუტარო მარტინესს თვლიან..

როგორც ცნობილი სპორტული გამოცემა, “Sky Sports” იუწყება, კატალონიის “ბარსელონას” არგენტინელმა ვარსკვლავმა და კაპიტანმა, ლიონელ მესიმ, მისი ფავორიტი მწვრთნელი დაასახელა.

გავრცელებული ინფორმაციის თანახმად, 33 წლის თავდამსხმელმა “ბლაუგრანას” თავკაცობის ერთ-ერთ კანდიდატად, “ლიდს იუნაიტედის” თავკაცი, არგენტინელი მარსელო ბიელსა დაასახელა.

ცნობების მიხედვით, ბიელსამ “ბარსელონაში” ტრანსფერზე თანხმობა უკვე განაცხადა

კატალონიურ საფეხბურთო კლუბ ბარსელონას 2021 წლის საპრეზიდენტო არჩევნებზე საინტერესო ბრძოლა გველის.

El Chiringuito de Jugones-ს ეთერში ესპანელმა ჟურნალისტმა ედუარდო ინდამ განაცხადა, რომ საპრეზიდენტო არჩევნებში მონაწილეობას კატალონიური კლუბის ყოფილი ხელმძღვანელები ჟოან ლაპორტა და სანდრო როსელი აპირებენ.

ლაპორტა ბარსას პრეზიდენტის პოსტს 2003-10 წლებში იკავებდა, რის შემდეგაც მისი ადგილი როსელიმ დაიკავა, თუმცა თავდამსხმელ ნეიმარის ტრანსფერის გამო 2014 წელს პოსტის დატოვება მოუწია.

2017 წელს როსელი დააპატიმრეს და ორ წელიწადში გაათავისუფლეს.

ამ მომენტისათვის ბარსელონას პრეზიდენტის პოსტს ხოსეპ მარია ბართომეუ იკავებს, რომელიც როსელის პერიოდში კლუბის ვიცე-პრეზიდენტი იყო.