სამუელ უმტიტის საგა გრძელდება

Samuel Umtiti - Drawing by MhmdAo on DeviantArt

სამუელ უმტიტის საგა გრძელდება.

ბოლო ინფორმაციით მისთვის მანჩესტერ იუნაიტედი და არსენალი იბრძვიან! მიმდინარე მოვლენებიდან გამომდინარე გაირკვა,რომ უმტიტისთვის პრიორიტეტი პრემიელ ლიგაა.მდგომარეობით სარგებლობას მანჩესტერ იუნაიტედი აპირებს.

თავისმხრივ ტრანსფერის წინააღმდეგი არც ბარსელონაა. კატალონიელები მზად არიან რომ ფრანგი ფეხბურთელი 27 მილიონი ევროს სანაცვლოდ გაუშვან.

შეგახსენებთ, რომ სამუელ უმტიტი ბარსელონას 2016 წელს, 25 მილიონ ევროდ ლიონიდან შეუერთდა.

გიორგი ცინცაძე კარიერას თბილისის “დინამოში” გააგრძელებს

საქართველოს ნაკრების გამოცდილი კალათბურთელი გიორგი ცინცაძე, რომელიც ბოლოს ყატარის “ალ შამალის” ღირსებას იცავდა, კარიერას თბილისის “დინამოში” გააგრძელებს, – იტყობინება თბილისური კლუბი “ფეისბუქის” გვერდით:
“თბილისის “დინამომ” საქართველოს ნაკრების წევრი, დამოუკიდებელი ქართული კალათბურთის ისტორიაში საუკეთესო პირველი ნომერი – გიორგი ცინცაძე დაიმატა!
გიორგი თბილისშია, სანაკრებოდ ემზადება. ცინცაძე ტრავმირებული იყო და სარეაბილიტაციო კურსს ამთავრებს. შემდეგ კიდევ ერთხელ გაივლის სამედიცინო შემოწმებას და ნაკრების განკარგულებაში გადავა.
ცინცაძე: “დღეს “დინამოში” ვარ. როგორც კი სანაკრებო პაუზა დასრულდება, გუნდთან ერთად დავიწყებ სუპერლიგისთვის მზადებას, სუპერლიგაში თამაშს. ეს “დინამო” საინტერესო გუნდია. როგორც იცით, მქონდა ტრავმა და ამ ეტაპზე ბოლომდე მზად არ ვარ. ჩემი სურვილია, “დინამოს” მაქსიმალურად ჯანმრთელი დავეხმარო”.
ცინცაძესთან ერთად “დინამო” შეიცვლება. ავტომატურად შეიცვლება. “ბუს” მოაქვს გამოცდილება, შარმი და მოგების დიდი სურვილი. ბიჭებს ეს მაგრად დაეხმარება. ცინცაძე იწყებს”.

“გოლდენ სტეიტმა” დურანტის ნაცვლად მოყვანილი დეანჯელო რასელი შუა სეზონში გაუშვა

“გოლდენ სტეიტ უორიორსმა” მომავალ ვარსკვლავად მოყვანილი 23 წლის მცველი დეანჯელო რასელი “მინესოტა ტიმბერვულვზში” პირველივე  სეზონის შუაში გაუშვა.
კალიფორნიული გუნდი, რომელიც რასელზე დიდ იმედებს ამყარებდა, უკმაყოფილო იყო დეანჯელოს თამაშით. მართალია, ახალგაზრდა კალათბურთელი საშუალოდ 23,6 ქულას, 6,2 გადაცემასა და 3,7 მოხსნას 32 წუთში აგროვებდა, თუმცა ამ “გოლდენ სტეიტში”, რომელიც თამაშს თამაშზე აგებს, რასელს მეტი მოეთხოვებოდა.
დეანჯელოს სანაცვლოდ “გოლდენ სტეიტმა” “მინესოტასაგან” ფორვარდი ენდრიუ უიგინსი, 2021-ის დრაფტზე პირველი რაუნდის პიკი (ტოპ-3-ში) და მეორე რაუნდის 1 პიკიც მიიღო.
კევინ დურანტის “ბრუკლინში” წასვლის შემდეგ ხმაურიანად მოყვანილი დეანჯელო რასელის კარიერა კალიფორნიულ კლუბში სულ რამდენიმე თვე გაგრძელდა.

რა მიზეზით ჩაიშალა ახალგაზრდა მესისა და გუარდიოლას ტრანსფერი ,,ხეტაფეში”

“ხეტაფეს” პრეზიდენტმა ანხელ ტორესმა MARCA-სთან საუბრისას გაიხსენა ისტორია, თუ როგორ არ განხორციელდა ლიონელ მესისა და ხოსეპ გვარდიოლას ტრანსფერები მადრიდულ კლუბში.
ტორესს ძალიან კარგი ურთიერთობა ჰქონდა “ბარსელონას” ყოფილ პრეზიდენტ ხუან ლაპორტასთან, რამაც აღნიშნული შესაძლებლობის შექმნა განაპირობა, თუმცა…
“როცა მესი პირველ გუნდში თავის საწყის წლებს ატარებდა, მის იჯარით აყვანასთან ძალიან ახლოს ვიყავით. მხარეები თანახმანი იყვნენ, თუმცა ბოლოს ფრან რაიკაარდმა უარი განაცხადა არგენტინელის გამოშვებაზე და მისი “კოლიზეუმ ალფონსო პერესზე” მოყვანა აუსრულებელ ოცნებად დარჩა.
მსგავსი რაღაც განმეორდა ხოსეპ გვარდიოლასთან დაკავშირებითაც. ერთ დღეს, ევროტურნირების წილისყრაზე შვეიცარიაში ჩიკი ბეგირსტაინმა (“ბარსას” სპორტული დირექტორი) იდეა გამანდო, რომლის თანახმადაც, ჩვენი პირველი გუნდის მთავარი მწვრთნელი მიქაელ ლაუდრუპი “ბარსელონას” დამრიგებელი გახდებოდა, ჩვენთან კი ხოსეპ გვარდიოლა წამოვიდოდა.

ისიც სათქმელია, რომ თავიდან ლაპორტა გვარდიოლას შესაძლებლობებში ბოლომდე დარწმუნებული არ იყო”, – განაცხადა ანხელ ტორესმა.

შედეგი ვიცით, რაიკაარდი გაათავისუფლეს, ხოლო ლაპორტამ, ალბათ, მსოფლიო ფეხბურთში ერთ-ერთი ყველაზე სწორი გადაწყვეტილება მიიღო და “ბარსელონას” მთავარ მწვრთნელად ხოსეპ გვარდიოლა დანიშნა.